低CP值都可以贏？打GYM 踢館取勝秘笈

為左嬴道館，你可以去到幾盡？想踢館但周街都係啟暴龍同卡比獸，CP不夠高，好似打極都係輸.......唔駛怕！只要學識以下3招，CP值比較低的小精靈也有機會打嬴！

實CP值高其實唔一定勁，詳看：CP值唔係愈高愈好！入齊數據教你揀邊隻小精靈升LV

1. 選擇有優勢的屬性

不只是POKEMON GO，其實有玩過其他遊戲也會知道「屬性相剋」的原則。寵物小精靈共分18種屬性，每隻小精靈至少有一種屬性，在對戰其屬性所剋的小精靈時攻擊效果會有加乘，相對有利於戰鬥。以下屬性表中左邊直排是攻擊方，上面橫排是防守方，綠色格仔(2x)顯示非常有效，紅色(1/2x)是不太有效，黑色(0x)是完全無效。

最顯而易見的例子：在屬性表中可以見到水系打火系時會有2倍攻擊力。如果對手為雙屬性，就將自己的攻擊招式屬性對應防禦方的2個屬性各自的效果相乘，例如飛行系攻擊蟲+草系小精靈時，2x2=4倍攻擊力。 

2. 閃避攻擊

對手攻擊時可以左右撥螢幕避開，減低所受的傷害。對手第一次出現會連打2次，所以記得要及時閃開2次呀。另外提提大家，儲滿氣後長按自己隻小精靈可以使出必殺技，掌握好敵方的攻擊節奏後善用技能，可以令嬴面變大。

見到下圖的兼色閃光代表對手要出招，睇準時間避開！

來源：inverse.com 

3. 執死雞

當道館掌門人的小精靈不會重生，被打敗後會回到訓練員身邊。若果見到見到Level2或Level3的道館只剩一兩隻，而且Prestige值低迷時，你就可以帶6隻入去執死雞，變相獲勝機會更大！

溫馨提示：打嬴左要拿拿臨撳制做館主！反應慢的小編琴晚就係因為慢左半拍，就俾人搶左...... 

另看舒服孵蛋兼捉精靈的方法：

>>> 有冷氣兼停站多！6大小精靈訓練員巴士專線

>>> 歎住冷氣捉！全港20大商場小精靈實景出沒地圖