保險廣告童星長大了！飾童年陳展鵬獲網民讚好戲

TVB新劇《城寨英雄》尋日首播，第一集就已經出現不少「硬橋硬馬」真功夫，主演的陳展鵬（煎pan）和袁偉豪的交手場面甚有睇頭，暫時所見網民對首集評價頗為正面，指劇情緊湊，已經簡單清楚交代背景。網民除了讚賞一眾主角的表現不俗，還有人大讚飾演陳展鵬童年版的小演員演出搶鏡，年紀少少，但演技絕不輸蝕於專業的演員，不過大家睇吓睇吓，有無覺得呢位小演員熟口熟面，他成熟沉穩的聲線又好似係邊度聽過呢？

原來這位小演員確實有演出經驗，而他的代表作更深受網友歡迎！這位小演員叫楊凱博，2012年曾經拍過一個保險廣告，他戴住眼鏡說：「乜嘢叫保險呀？」一幕，由於表情交足戲，所以不斷成為網民改圖對象。

可能大家未必聯想到「保險小孩」就係童年版煎pan，其實這輯廣告當年還有另一個無喺香港播放的版本，當中凱博的對白是：「做警察唔使打功夫。」他更在廣告中露兩手，揮拳揮到「發發聲」！咪以為只係廣告效果，查實凱博真係識功夫，原來他師承香港著名武運動員李暉，並曾經於一些兒童武術比賽中獲獎，真係唔講得笑，唔知劇集之後的發展仲有無機會睇到呢位小演員的表現呢？

片中0:05開始（影片來源Youtube，如遭刪除請見諒。)