正在閱讀
懶人都整到!試用759新品復古冬甩機

懶人都整到!試用759新品復古冬甩機

2016.08.01

最近759阿信屋引入多部復古小家電,其中一部就是冬甩機(公價$398),望落幾得意。

冬甩機操作非常簡單,注入粉漿後待5-7分鐘後即成,懶人啱用!

盒中附有多款口味的冬甩食譜,買齊材料,跟足步驟應該不難製作出香噴噴的冬甩;不過今次既然要教大家用「懶人法」整冬甩,一懶就要懶到底,用普通超市都有售的預拌粉吧,連味道都預設好!

---------- 

材料:

鬆餅粉半包 

雞蛋一隻

牛奶半盒

面層配料:

 

黑朱古力半排、白朱古力半排、朱古力彩針(或其他細小toppings)

*以上材料可製作12-15個迷你冬甩,預拌粉不時都會附有果醬/果蓉,建議不要注入粉漿之中。

----------

準備好材料,就進入實戰階段!

1. 先預熱冬甩機,預熱完成後綠燈會自行關掉,等待時可先準備其他材料~

2. 將雞蛋和牛奶放入碗中拌勻

3. 逐少倒入將鬆餅粉,攪拌至沒有粉粒

4. 將混合好的粉漿注入冬甩機模中,完成後合上冬甩機;記緊放入材料的動作不要太慢,以免冬甩變燶!

5. 約5分鐘後,可用木製或塑膠用具將冬甩取出到

6. 待冬甩放涼期間,可準備冬甩面層的配料,將半排黑朱古力和半排白朱古力,放入微波爐加熱半分鐘至溶掉

7. .按喜好將冬甩蘸朱古力醬,再灑上彩針,完成!