杜汶澤FB自薦做演唱會攝影師　HOCC這樣答...

歌手何韻詩近日為十月在紅館舉辦的演唱會忙個不停，早前拍攝演唱會宣傳照就被黑油照頭淋，為求拍出最佳效果，阿詩淋完又抹，抹完又淋，認真辛苦！講起拍攝，最近就有人公開應徵阿詩演唱會攝影師一職，這個人之唔係阿詩好友杜汶澤！

今日阿澤在Facebook公開問阿詩：「請左人影相未？」作為一個「應徵者」嚟講，阿澤總算相當進取，藝人何遠東就留言提醒佢準備porrfolio，原本阿澤諗住「響朵」了事。

點知「老闆」阿詩就咁留言：「please send portfolio and expected salary to infogoomusic@gmail.com Do you have any working experience?」即係叫佢電郵履歷同報酬期望，仲問佢有無工作經驗，好友都「無情講」！

阿澤都不甘示弱，霸氣表示：「 yes indeed , I have shot Hocc concert , twice（有，我影過何韻詩演唱會，兩次）」而且有圖有真相，大晒自己的作品，誠意十足的阿澤更即刻寄出「應精信」，網民話阿詩唔請都唔得啦！

兩人之後為酬勞展開一輪口水戰！