去美食博覽前一定要「留肚」，由展覽館的一邊，一直掃到另一邊。事不宜遲，立即開始「美食博覽精選食到飽（Round 2）」！
獨家發售棉花厚多士 $30（攤位編號：1E-A10）
抹茶軟雪糕以外，阿波羅今年更帶來從未亮相「棉花厚多士」！正立方體棉花糖驟眼看起來似一磚豆腐，輕烤過表面金黃；「厚多士」有兩款口味，內裡分別夾着柚子和石板街雪糕，表面再淋上韓國柚子醬和朱古力醬，賣相超吸引！
甜品層次豐富，比較起來柚子味沒有朱古力味般甜膩，值得一戰。
超Juicy 一口牛 $30（細）/$35（大）（攤位編號：1D-C28）
選用熊本牛，油脂成分高，炒香後油份逼出味道超濃郁，一杯有多粒，邊行邊食的好選擇！
夏日限定榴槤手抓餅 $40（攤位編號：1D-C28）
手抓餅食得多，加入榴槤的就較罕見！餅身帶點果肉甘香，不算很濃，平日不吃榴槤的朋友都可一試；餡料方面包3款，店員建議加入雞蛋、芝士、粟米，外甜內鹹味道又幾夾。
香噴噴黑松露烤帆立貝 $35（攤位編號：1E-A23）
一份兩件，用上日本帆立貝，以燒烤方法製作香氣逼人，最後加上黑松露醬，靠帆立貝的熱力迫出黑松露醬的香氣，吸引到不少人幫襯！
消暑降溫紅豆冰糕冰 $20（攤位編號：1D-B34）
雪糕就食得多，製作成泰式椰汁糕般的「冰糕」又食過未？冰糕以多種水果製成，切成一小一小件，分雜果味和榴槤味。冰糕果味天然，食落其實與雪葩分別不大，配搭紅豆酸酸甜甜，消暑一流。
抵食芋圓豆腐花 $20（攤位編號：1E-A32）
每年美食博覽都會出現大量台式食品，包括台式肉腸和胡椒餅等，今年更有多檔賣芋圓豆腐花！多個攤位中，以這檔最足料，一碗約有7-8粒自家製芋圓和地瓜圓，大大粒幾煙韌，淨買芋圓每碗$30。
勁量級章魚燒 $30（攤位編號：1A-B12）
叫得勁量級，八爪魚的size 當然都相稱！注入粉漿後，加入椰菜和大大隻八爪魚，再灑上黑椒調味，怕鹹的話記得叫店員落輕手一點！
製成品像「一隻戴上帽子的八爪魚」，幾搞笑；雖然一份只得3粒定價略高，但香港少有地方供應，都可以一試。
返回上頁：重溫Round 1精選小食、甜品！
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
