熱愛優質生活

調查:近8成女生嫌男友影相差!掌握3點輕鬆拍出女神照

2016.09.19

調查:近8成女生嫌男友影相差!掌握3點輕鬆拍出女神照  

調查:近8成女生嫌男友影相差  

據說99.9%女生一生都在尋覓一個可以幫自己影出無死角女神照的男朋友。但現實又邊有咁理想!?推出「美圖秀秀」及「美圖手機」美圖公司早前在網上做了一個「男女拍照大調查」,訪問了逾7600位香港及台灣的用戶,發現74%受訪女生不滿意男友的拍攝技巧。當中57.4%女生會選擇啞忍,默默希望一覺訓醒後男友攝影技術會突飛猛進,但現實係,有近四成受訪男生仲覺得自己影得好靚呀....

調查:近8成女生嫌男友影相差

  

近四成受訪男生仲覺得自己影得好靚呀....  

角度差、唔啱timing、笑到面僵都未影好、黑到睇唔到樣……喂!說好的女神照呢?其實唔係想像中咁難,掌握以下三個由美圖公司提供的攝影貼士,影女神照話咁易!

第一點:低炒長腿是常識吧

有影開相的女生都知,影全身相一定要蹲低影,識呢招後所有人都可以擁有42吋長腿!做人男友甚艱難,單膝跪唔止求婚要,連影相都要!

掌握3點輕鬆拍出女神照 : 低炒長腿是常識吧

第二點:九宮格拍出完美構圖

角度get!咁構圖呢?只要將長度同高度平均分成三等份,變成九宮格,再將女友的身影放在四個交叉點的其中一點,就實無死!影得唔好,事後可用裁剪相片一樣可以做到同樣效果。

掌握3點輕鬆拍出女神照 :九宮格拍出完美構圖

第三點:自然光很重要

自然光,自然光,係自然光!很重要所以說三次。一張相有好的光線,可以令皮膚睇落更白更滑更粉嫩,仲會突出成張相的顏色,之後要執相調色都易好多!如果在室內幫女友影相,記得走近窗邊啊!

掌握3點輕鬆拍出女神照 :自然光很重要 

如果你是女生就快啲將篇文share比男朋友學野,育成攝影師男友不是夢!(有無男友咁乖自動自覺睇?share返比女友一定加分!)

 

下篇:  旺角韓式証件相影樓 30分鐘拎得

內容評分
評語