調查:近8成女生嫌男友影相差！掌握3點輕鬆拍出女神照

據說99.9%女生一生都在尋覓一個可以幫自己影出無死角女神照的男朋友。但現實又邊有咁理想！？推出「美圖秀秀」及「美圖手機」的美圖公司早前在網上做了一個「男女拍照大調查」，訪問了逾7600位香港及台灣的用戶，發現74%受訪女生不滿意男友的拍攝技巧。當中57.4%女生會選擇啞忍，默默希望一覺訓醒後男友攝影技術會突飛猛進，但現實係，有近四成受訪男生仲覺得自己影得好靚呀....

角度差、唔啱timing、笑到面僵都未影好、黑到睇唔到樣……喂！說好的女神照呢？其實唔係想像中咁難，掌握以下三個由美圖公司提供的攝影貼士，影女神照話咁易！

第一點：低炒長腿是常識吧

有影開相的女生都知，影全身相一定要蹲低影，識呢招後所有人都可以擁有42吋長腿！做人男友甚艱難，單膝跪唔止求婚要，連影相都要！

第二點：九宮格拍出完美構圖

角度get！咁構圖呢？只要將長度同高度平均分成三等份，變成九宮格，再將女友的身影放在四個交叉點的其中一點，就實無死！影得唔好，事後可用裁剪相片一樣可以做到同樣效果。

第三點：自然光很重要

自然光，自然光，係自然光！很重要所以說三次。一張相有好的光線，可以令皮膚睇落更白更滑更粉嫩，仲會突出成張相的顏色，之後要執相調色都易好多！如果在室內幫女友影相，記得走近窗邊啊！

如果你是女生就快啲將篇文share比男朋友學野，育成攝影師男友不是夢！（有無男友咁乖自動自覺睇？share返比女友一定加分！）

下篇:  旺角韓式証件相影樓 30分鐘拎得