正在閱讀
《屍殺》男星IG風格大不同!孔劉最多型仔相、金義聖係集郵王

《屍殺》男星IG風格大不同!孔劉最多型仔相、金義聖係集郵王

2016.08.31

韓國喪屍災難片《屍殺列車》在香港大受歡迎,令唔少香港觀眾都紛紛對幾位主角進行大起底,其實戲中的四位主要男星包括孔劉、馬東錫、崔宇植及反派金義聖唔係打喪屍達人,而係Instagram達人先真,因為幾位都有自己一套post相風格吸引粉絲,大家follow咗未呢?

《屍殺列車》劇照

 

最多型仔相:孔劉

模特兒出身的孔劉一向係廣告商寵兒,無計啦,要靚仔樣有靚仔樣,要身材有身材,所以孔劉IG有唔少都係自己的工作照,由暖男式笑容到穿背心晒麒麟臂,或者在超市買餸住家男feel的生活照都有,女粉絲必定冧到暈!

圖:孔劉IG

 

【相關文章】《屍殺列車》反派戲路廣 金義聖新劇分飾兩角考演技

【相關文章】點只似宋仲基!孔劉張松枝呂方世界級撞樣

【相關文章】7部必睇特色喪屍片!驚嚇以外還有其他元素

 

 

最多親民合照:馬東錫

戲中具備犧牲精神的超大隻準爸爸馬東錫,無論戲裡戲外都係一個面惡心善的好男人,私底下個性親民的他,IG最多的都係跟別人合照,台前幕後的工作人員都有,馬東錫IG中同樣可以一睹佢強勁的臂彎架!

圖:馬東錫IG

 

最健康活力:崔宇植

戲中扮演高中生的年輕演員崔宇植年僅26歲,不過佢又無好似其他年青人咁瘋狂自拍呃like,崔宇植的IG上不算多相,有風景照、食物照,更有他去釣魚的短片,係咪估你唔到呢!

圖:崔宇植IG

 

最多明星集郵照:金義聖

戲中扮演自私精的反派金義聖,真實性格其實超nice,深受其他演員歡迎,近日他在新作品《W – 兩個世界》中跟韓國女星韓孝珠做兩父女,所以IG上不乏父女合照,而且兩父女仲好玩得,齊齊用apps扮鬼扮馬,除了韓孝珠,金義聖IG亦大晒孔劉、鄭雨盛、趙寅成、女團Miss A成員秀智等合照,仲唔係「集郵王」!

圖:金義聖IG

 

其他精彩熱話:

>>>>新MacBook 都有消息! 鍵盤加入OLED 觸控螢幕?

>>>>極速解決過季衫!7分鐘舊T變布袋

>>>>挑戰羅樂林一日死五次?阮兆祥老是常出現