正在閱讀
煎pan為新劇染青頭!伍允龍「期間限定」MK金毛

煎pan為新劇染青頭!伍允龍「期間限定」MK金毛

2016.09.06

早前TVB劇集《城寨英雄》成功掀起一陣煲劇潮,劇中三位男主角「拳佬」陳展鵬、「牙佬」袁偉豪及「貓仔」伍允龍正義感爆棚,睇得又打得,兼且集集輪住晒肌,睇到各位姊姊妹妹都心心眼,劇集反應咁好,監製文偉雄隨即落實原班人馬開拍新劇《同盟》,儼如現代版《城寨英雄》,繼續打到飛起,而陳展鵬和胡定欣更有可能再繼前緣!

 

近日開始為《同盟》作準備的煎pan在Instagram上載自拍,見到他形象180度轉變,染了一頭青綠髮,兼戴上耳環,雖然唔少網友話煎pan新look實在MK味甚濃,但仍然大讚型爆。

 

另一邊廂,伍允龍同樣玩變髮,最近他自拍化身「超級撒亞人」,原本黑髮的他染成一頭MK金,有網友就留言他不是「超級撒亞人」,而是變了「黃貓仔」,而且不少網友都似乎睇唔慣如此「MK」的伍允龍,直言都係黑髮造型更襯他的濃眉大眼。

不過幾個鐘之後,伍允龍已經打回原型,頭髮變回自然啡色,原來MK金毛look係「期間限定」,各位「貓仔迷」save咗圖未呢?

 

來源:陳展鵬IG伍允龍微博 

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠