正在閱讀
十年如一日!肥田、大四喜驚喜相遇貼合照

十年如一日!肥田、大四喜驚喜相遇貼合照

2016.09.12

要數胡杏兒的代表作,《肥田囍事》一定榜上有名,當年杏兒為劇集犧牲,一次增肥40多磅後變大肥妹。最近「豬小姐」同「豬先生」相遇於港姐決賽,唔講唔覺,原來《肥田囍事》至今已經10年喇!

 

杏兒兩個月內為劇集極速增肥40多磅,令劇集極具噱頭!



 

   

週日已離巢的胡杏兒回娘家,驚喜現身港姐決賽,更遇上舊拍檔許志安!杏兒於Instagram上載兩人合照,留言:「睇下我琴晚撞到邊個?好耐無見啦!!」

10年過後,兩人都已分別成家立室,搵到自己的另一半。睇到合照,網民都留言嗌「肥田」同「大四喜」,有人仲話曾經用過劑集插曲做電話鈴聲,「多麼蠢的蠢豬,個個也來揶揄」小編都仲記得點唱,好懷念啊!

  

圖:tvb胡杏兒ig