《屍殺》大發現！女友跟喪屍的10大共通點

韓國賣座電影《屍殺列車》成功掀起熱潮，連許多平時唔睇喪屍片的朋友都話要去朝聖，但大家睇完電影，有無發現戲中的喪屍有種似曾相識的感覺？人氣網絡作家「MissAnita 御姊愛」分享了《女友跟喪屍的10大共通點》，令唔少網友like爆表示：簡直說出我的心底話！

《女友跟喪屍的10大共通點》包括：

1. 都很愛反白眼

當女友不滿或不屑男友的時候，就會秒速向男友反白眼反到去後腦，似足戲中無黑色眼珠的喪屍。

2. 特色是窮追猛打緊追不放

對小細節窮追不捨，問到男友口啞啞，可能是每個女友的特性，「我今日有咩唔同？」、「你同邊個whatsapp？」、「我着間條定波點好睇啲？」，比這些問題「咬住」可能仲恐怖過比喪屍咬住！

3. 聽到你的手機響就會瞪過去

大家仲記得戲中喪屍入隧道之後視力變差，要靠聲音行動，而主角就用手機鈴聲引開喪屍群，女友聽到你的手機響，都會敏感度瞬間飆升，就算唔擔心係其他女生打電話來，都可能擔心是男友上司急call啦！

4. 行路經常重心不穩

喪屍的行動無靈魂、無重心，故左搖右擺，女友就可能因為着高跟鞋、雙手拎住一袋二袋戰利品，所以行路都係重心不穩。

5. 經常令你想匿入廁所

電影中，列車上的廁所似乎一個幾好的暫避喪屍地方，至少大肚婆鄭有美和奸角金義聖都曾經成功躲過喪屍，如果女友對你發脾氣時，會唔會都令你想匿入廁所暫避呢？

6. 上一秒還好好的下一秒就殘暴了

女生情緒波動大，特別係每個月嗰幾日，變臉速度肯定快過喪屍病變速度，上一秒仲對你嗲聲嗲氣，下一秒可能已經飛杯掟碟。

7. 預料不到她會從哪裡進攻弱點

喪屍進攻的方式難以預測，女友進攻的方式一樣估唔到，她要試探你有無曳曳，通常都唔會直接問，總係要用旁敲側擊的方式，問東問西，直至你終於知道她問問題的真正用意時，一切已經太遲了！

8. 往往有很多相似的同夥（好姊妹）

女生總係有好多好姊妹做「智囊團」，由拍拖前點揀男友，到拍拖後點樣馴服男友等等，都有這班三姑六婆姊妹團給意見，她們堪稱「男生最怕物種」！

9. 並且會迅速被同夥感染相同症狀

喪屍病毒散播力驚人，姊妹們的感染力同樣驚人，你會發現女友今期化咩妝、著咩衫、煲咩劇，往往與她的好姊妹非常相似，你就會知道她們應該是同時「中毒」的。

10. 都很會咬（嗯哼......羞~）

御姊愛表示這只是臨尾開個玩笑，小編則表示不解釋。

身為別人男友的你又覺得自己女友係唔係咁？除了以上10點，網友的留言都相當精彩，有人留言：「請問憤怒的女友和恐怖份子有何不同？答：恐怖分子可以談判。」又好似係喎……

內容獲MissAnita 御姊愛授權刊登，未經同意請勿轉載。

MissAnita 御姊愛Facebook：https://www.facebook.com/MissAnitaGoodLife/