熱愛優質生活
首頁   \   港熱話   \   子華楝篤笑撐Sammi!催同安仔生B改名「勝不許敗」

子華楝篤笑撐Sammi!催同安仔生B改名「勝不許敗」

2016.09.18

樂壇天后鄭秀文(Sammi)近日於紅館舉行《Touch Mi 2鄭秀文世界巡迴演唱會2016》,Sammi不幸開騷前病倒,首場狀態未如理想,令她一度淚灑舞台,來到第二場,雖然Sammi的聲線依然沙啞,她自嘲「乾過碌柴」,但仍無損粉絲興致,而且第二場的嘉賓更是驚喜十足!

圖:FB@鄭秀文

去到演唱會中後段,Sammi邀請了僅合作過一次的男神黃子華出場,他一出場就令全場歌迷表現興奮,尖叫聲始起彼落,子華盡情發揮楝篤本色,大爆與Sammi初次見面時尷尬情況:「我識佢嗰日佢就問:『你有無睇過十九世紀俄國大文豪告斯妥也夫斯基的《罪與罰》?』我係無睇過,之後我哋就無嘢講!」

 

之後子華又搬Sammi老公許志安上檯,先模仿安仔2009年在Sammi個唱任嘉賓時唱《其實你心裡有沒有我》,狂寸當年安仔跟Sammi扮唔熟,子華笑言在Youtube上度過兩人站立距離平均有15呎,比安仔跟葉德嫻表現時,平均相隔距離有8呎更遠,全場觀眾都拍手笑翻。

  

子華又指Sammi同安仔的愛情故事是香港人的童話,更即場教Sammi「御夫絕招」,說:「你哋有社會意義同責任,因為今日嘅香港少咗好多童話,如果安仔鬧你,你有權叫佢收聲,因為係為咗香港!」子華更催促許生許太生B:「你哋呢個童話最完美就係生個仔,名我都你諗好,叫『勝不許敗』,第時一家三口出街,有許志安、鄭秀文、『許勝不許敗』!」

 

 

內容評分
評語