正在閱讀
智叔方中信回歸!新劇《律政強人》4大必睇位

智叔方中信回歸!新劇《律政強人》4大必睇位

2016.09.19

新劇《律政強人》將於晚上9點半首播,預告於幾日前已經相繼出街,由方中信同廖啟智擔正鬥演技,令人期待!新劇未出街已經話題十足,有網民話見到TVB出品已經唔想睇,但有網民見到演員名單則大讚有新鮮感,究竟呢套會係《Legal High》定只係《大冬瓜2》?

1.    方中信廖啟智回巢


方中信與智叔廖啟智均是影壇大前輩,實力毋庸置疑。兩人一同回巢「救亡」拍新劇《律政強人》,在劇中鬥智鬥力,對手戲甚多,令人期待。再睇埋演員陣容同幕後名單,《律政強人》點睇到都唔會輸俾《大冬瓜》。

2.    好戲之人曬冷

 

不單有方中信同智叔,演員名單亦好有睇頭,男角有鍾景輝、曹永廉、蔣志光加上劉丹,女角方面則有黃智雯、郭少芸、李璧琦,演員未必靚仔靚女,但絕對有演技。

3.    選戰編審

  

 

預告片見到智叔講「你落台係天經地義,我上馬係大局為重!」,第一時間諗起《選戰》裡的宋漫山亦有相同對白。

其實並非抄,而係將自己寫的金句循環再用,皆因《律政強人》的編審黃偉強正是《選戰》編審。黃偉強回巢再度與智叔合作,今次以法律界作舞台講爭權,講人性醜惡,同樣令人期待。

4.    「狐狸精」李佳芯扮律師

 

 

新劇罕有無起用負評連連的蔡思貝及陳凱琳等「港姐幫」,換入TVB御用狐狸精李佳芯,Ali今次扮演黑白分明的律師,跟以往演過的「妹仔」及「狐狸精」有好大反差,夥拍方中信廖啟智兩位好戲前輩,希望Ali偷到師!

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠