真‧杜生撐Sammi!杜德偉安仔比拼「巨鵰圖」

文: 王庭芝
2016.09.20

樂壇天后鄭秀文(Sammi)的紅館個唱進行得如火如荼,雖然首場開始Sammi飽受失聲困擾,但來到昨晚,Sammi的狀態明顯漸入佳境,粉絲繼續以熱情溶化紅館舞台,一如之前三場,演唱會中後段Sammi唱《我們的主題曲》時就會請出嘉賓,第四場的嘉賓有「真‧杜德偉」!

圖:IG@sammi_cheungsauman

圖:FB@杜德偉

 

幾年前網上瘋傳有網民誤認許志安為杜德偉(Alex)並索合照,網民說:「喺球場見到杜德偉先生,不過條友好寸,叫佢杜生都唔睬人!」事件令「許生」、「杜生」經常成為抽水對象,昨晚「真‧杜生」一出場,原本一臉認真讚揚Sammi的堅強,但觀眾們就忍唔住不停高呼「安仔」,場面搞笑。而Sammi都玩埋一份,問Alex:「應該嗌你杜生定許生?」Alex無奈表示:「乖啦,唔好再叫我許生,今日真係最後一次叫我許生,之後出街有人叫我許生,我真係會唔睬佢,到時唔好話我寸!」

圖:Youtube擷圖

 

「許生定杜生」的話題沒完沒了,Alex更提議Sammi應該邀請當日在球場認錯人的網友做演唱會嘉賓,讓Alex有機會問清楚佢,究竟自己同安仔「有邊忽似?」,之後Alex更話要即場對比自己和安仔照片,他大晒自己之前開騷穿三角褲晒肌照,令全場嘩然,Sammi就講笑:「你着護陰罩,我哋以後做演唱會好難做喎,個護陰罩仲要有粒星囉!」Alex就解釋自己唱《脫掉》一曲如果不剝褲會被叫「回水」,不過,Alex再「出賣」安仔在海邊穿三角褲的私照,令全場起哄,而睇完兩張「巨鵰圖」的Sammi表現high,兩人再合唱《信自己》,掀全晚高潮!

圖:Youtube擷圖

 

影片來源Youtube,如遭刪除請見諒。

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓