MUJI都搵到紫薯！兩款隱藏紫薯烘焙物

踏入秋冬，又是吃紫薯的季節，街頭巷尾都可以搵到紫薯的產品，唔知大家有無發覺原來MUJI Bakery都有兩款包點悄悄加入紫薯餡，真係唔食過都唔知！

蜜糖甜薯包（$18）

這款蜜糖甜薯包是MUJI Bakery其中一款人氣包點，經常很快售罄，小編第一次去到奧海城分店想找這款甜薯包都要食白果，要第二次早點去才有貨。

甜薯包顧名思義，包上面鋪上數片甜薯，每片甜薯大約厚0.5cm，單睇麵包的體積其實唔算大，不過食起來總算幾「實肉」。

當切開麵包就發現內有乾坤，原來包中暗藏紫薯餡，雖然唔係想像中滿瀉的紫薯餡，但比例仍算合理，而且紫薯餡頗為搶味，甜度偏高，多吃可能會膩，所以現在份量剛好。

番薯酥皮鬆餅（$15）

另一款隱藏紫薯的包點就是番薯酥皮鬆餅，鬆餅體積真心比較細，而且拿上手都幾輕飄飄，鬆餅上鋪了一片甜薯，其實外觀尚算幾精緻。

當小編落刀切開鬆餅時，一如所料，裡面「空氣感」十足，非常鬆軟，不過估唔到係原來甜薯片底下藏有少許紫薯餡，約莫有手指公般大小的份量，夠唔夠喉就見人見智。

不過鬆餅吃起來，牛油味頗香，甜味除了來自甜薯片和紫薯餡，外層亦帶有微微的焦糖甜，作為下午茶小吃其實都唔錯。

這兩款隱藏紫薯包點只在設有Bakery的Cafe&Meal MUJI 出售，想食就要去設有Bakery的分店碰碰運氣喇！

地址：

- 九龍尖沙咀海港城海洋中心4樓407 & 415-419店(電話：3971 3280)

- 香港灣仔皇后大道東183號合和中心地下G5B店(電話：3971 32220)

- 西九龍奧海城2期地下K02-10號鋪(電話：3971 3240)