無綫鬧小生花旦荒　張衛健回巢拍劇

近年無綫鬧小生花旦荒，親生仔女都北望神洲賺人仔，即使演技不太好的演員擔正主角之位，劇集質素每況愈下。TVB踏入50周年，又有個重量級人馬回娘家，今次係「孫悟空」張衛健！

無綫助理總經理戲劇製作總監曾勵珍接受訪時提到張衛健已經答應回巢拍劇，而且更為此空出5個月檔期。據消息指，張衛健拍的劇由徐正康監製，題材未知。雖然最新作品《來自喵喵星的妳》收視插水，不過徐正康先後出品過《男親女愛》、《棟篤神探》、《狀王宋世傑》及《鬼同你OT》等爆紅劇集，值得期待。

未知張衛健可以再次爆出「我係如來佛祖玉皇大帝觀音菩薩指定取西經特派使者花果山水濂洞美猴王齊天大聖孫悟空。」同「噼啪你個隆的咚呀！」等流行語嗎？

來源：TVB