《致命復活》全城緝兇！網民話佢先係隱藏Final boss

台慶劇《致命復活》播出後，大家都被郭晉安頑強的生命力嚇一跳，眼見他由一個地獄回到另一個地獄，回到香港一無所有，在職場上人人都想他死，他一邊要為自己找出十年前綁架案真凶，另一邊又要防範眼前的敵人，眼見安仔咁辛苦，各位網民都攪盡腦汁，偵探上身嘗試為仔找出真凶！

安仔身邊的人不論老婆、同事、大哥，個個都有可疑，一時覺得謝雪心有嫌疑，一時又話Signal Wong（吖！王浩信至真），為了找出誰是真兇，網民不斷翻睇該劇以找出蛛絲馬跡尋凶。最近就眼利的網民發現了一個相當有嫌疑的角色：就是古明華的兒子誠哥韋子誠。

網民發現譚真一有份演出《致命復活》，轉為推測譚真一再度「患上」不老症，發現係Final boss後同安仔講「我又諗起你老婆喇」，完美配合「子誠」呢個奸名。譚真一暫時於劇中只出過一幕，該集講述古明華知悉安仔無恙返港，叫兒子（即係譚真一）裝香還神，而譚真一則瞓在梳化上，一邊聽歌一邊打機，究竟是客串性質或是真有陰謀就真係要睇多幾集喇！