樓價勁升，新盤單位愈劏愈癲。早前有發展商推出面積僅128呎的蚊型單位，發展商代表的「皇帝都係瞓張床」論更引起網民熱討。有網民發現原來89年電影已有類似的「劏盤」，不單有床，有廚房、廁所，仲包埋傢俬，以發展商的觀點，絕對舒服過做皇帝！
參考學生宿舍的128呎單位，大家應該記憶猶新，原來89年已經有電影講「劏盤」。Facebook專頁「香港電影吹水王」上載了電影《再見王老五》片段，影片上載一日已經有超過5000讚好及分享。《再見王老五》是爾冬陞執導的寫實喜劇，講大部份想又唔敢結婚的年輕人的心聲，估唔到89年的作品到現在依然適用！
片段講經紀男女主角鍾鎮濤張曼玉的睇樓，該單位面積極細，雙手都伸唔直。
廚房只企到一個人！
馬桶上面就係花曬，窄到不得了，但未夠之前兒歌天后特製的馬桶上的架空床誇張。
睡房一打開就係床，或者調轉諗張床成間房咁大，會唔會開心少少？
2800租住市中心，呢間屋同128呎「皇帝張床」比，簡直係豪宅啦！網民都嘆這是香港人的悲哀，估唔到爾冬陞導演的半玩笑竟然成真，情況甚至變得更嚴重。
來源： 香港電影吹水王
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓《社群狂歡大激賞》↓
↓送香港迪士尼樂園1日標準門票60張！↓
