張繼聰謝安琪耍花槍爭Slam Dunk　 張繼聰：套書我Keep硬！

張繼聰謝安琪結婚多年依然恩愛到不得了，阿Kay陀B休息後於幕前休息，轉戰網上世界，閒時幫老公做「打手」宣傳劇集兼放閃。最近張氏夫婦又耍花槍，全因為一套男人的浪漫：Slam Dunk！

原告人Louis於FB上載照片，話執房時搵到套《Slam Dunk》珍藏，點知阿Kay同佢拗，話套《Slam Dunk》係佢買嘅。對男人而言，有啲地盤唔踩得。Louis都話「依種年紀，入樽已經唔係用嚟睇，係用嚟供奉....男人嘅青春同熱血係唔可以俾人，Never !!」跟手仲「兜口兜面細細聲」同佢阿Kay套書自己Keep硬，霸氣到呢…….

原告人貼圖擺上網「公審」自己，被告阿Kay見到亦立即回覆，話套《Slam Dunk》擺喺床邊好多年，事件即時變成羅生門。

張氏夫婦表面拗交，實情係放閃耍花槍，Sweet到爆。其實個重點係爭論緊套書係邊個嘅，定係送唔送人呢？

來源：張繼聰FB、謝安琪FB