男友媽媽嫌棄裝修師傅爸爸 網友：我呀爸唔煙唔賭係好人，唔想人地唔尊重佢

兩個人拍拖從不只是兩人的事，網友在討論區發帖「男朋友屋企人睇唔起我屋企人」，內容是中產的男友媽媽言談間嫌棄女方做裝修的爸爸老土，她指「的確，我呀爸係一個學識少的裝修師傅，外人睇覺得佢老土，粗聲粗氣，但我呀爸其實好好，佢又唔煙唔賭，賺所有錢都用哂黎養育我幾兄弟姊妹，由於我呀媽要返工，佢會做家務、煮飯俾我地食，衣家我岩岩讀完大學出黎做野，佢都密密做，賺錢支持屋企。」

雖然男友解釋媽媽的一番說話是無意的，但女方心中還是有條刺，詢問廣大網友應該如何面對他的家人。

討論區原文：

網友一致支持為爸爸平反的孝順女，指爸爸是家中的英雄，辛勞為家庭付出。而且做裝修是一門手勢，應該「搵唔少」，不應該被人看不起。

有網友表示既然男朋友都知媽媽說得不對，代表他都尊重女家。既然兩家人未來接觸機會很少，今次就「聽過就算」不需放上心。 

當然仲有不少網友支持他們分手，指將來結婚後，恐怕有更多「說話」。

如果你係樓主，你又會點做？ 

來源：香港討論區