猛鬼似乎係大家對泰國的典型印象,就連訂泰國酒店都手特別細心檢查。在泰國開住宿的香港網友在Facebook群組發帖,指朋友遇上4名香港女遊客,他們已經確定訂房,突然傳來郵件要求退回全款,原因是她們在住宿圖片中,見到窗門有個鬼影。
有人認為未入住已經見鬼,好大可能是取消預訂求退全款的藉口。 樓主只開頭只上載了郵件截圖,在一眾網友群情洶湧想撞鬼見本尊的要求下,樓主終於分享了傳說中的「鬼照」。
隱約見到窗門係有凌空的白色點,細心睇又真係見到黑色點似眼及O形嘴。離遠望似千與千尋的無臉男白色版。
有人說鬼,亦有人說是角度問題。
樓主解釋照片用腳架影,拍攝者痞低咗,「白色影就位於人頭以上」,但都解釋唔到白色影的出現原因。
網友就唔同意講法。
鬼神之說大家討論好耐都未有結論是人是鬼。不過有網友認同如果出發前發現兼怕怕,取消預訂似乎是最好的選揀,去旅行最緊要玩得安心。最後樓主亦澄清了朋友選擇全數退款,以息事寧人。
食緊花生嘅你,又覺得係倒影定鬼影?
來源:Facebook@又飛啦旅人團 by flyagain.la