韓國新晉男神襲港！朴寶劍6招冧粉絲

近年憑韓劇《請回答1988》及《雲畫的月光》火速上位的90後男星朴寶劍，被封為「宋仲基接班人」兼新一代韓國男神，他戲裡戲外的暖男形像吸引大批少女粉絲，朴寶劍16日早上抵港，下午出席記者招待會，17日傍晚時於亞洲博覽館舉行《Oh Happy Day朴寶劍亞洲巡迴粉絲見面會》，施展渾身解數冧香港粉絲，即睇6大男神冧招！

1.狂講廣東話「多謝晒」

見面會開始時，寶劍先用廣東話同粉絲打招呼，過程中又不斷用廣東話向粉絲及工作人員講：「多謝晒！」果然非常識做，盡顯暖男本色。

2.瘋狂賣萌、跳萌舞

寶劍被問到起床之後第一件做的事是甚麼，他表示是伸懶腰，並即場以萌爆表情示範，後段寶劍穿上中式唐裝衫，大跳「Boomastic」舞蹈，不時扭屁股，令一眾粉絲尖叫不絕！

3. 重現劇集浪漫場面兼晒琴技

見面會即場抽出幸運粉絲跟寶劍互動，包括愛的抱抱，摸面頰，甜蜜撐傘等，台上粉絲一臉陶醉，台下粉絲則睇到「嘩鬼叫」，此外其中一個環節，寶劍表演現場彈奏聖誕歌和自彈自唱，令粉絲們心花怒放！

於「Happy dinner」環節中，寶劍即場品嚐香港街頭小食蛋撻，菠蘿包和雞蛋仔，他鯨吞小食，表現不拘小節，深得粉絲歡心，之後更即席為一位幸運親手炮製特色便當請粉絲吃。

5.親筆信贈粉絲

尾段寶劍讀出親手寫給香港粉絲的信，表示對於能夠來香港舉行粉絲見面會覺得榮幸，又感謝粉絲的愛和支持，最後又以中文大唱《甜蜜蜜》。

一向易受感動的寶劍喊點相當低，見面中幾度被粉絲感動到眼泛淚光，其中一位粉絲的老公為老婆安排結婚10周年禮物，就是助老婆達成見偶像心願，見到粉絲老公的用心，寶劍竟然即時眼濕濕，他又笑言自己的喊點奇怪，表現真性情。