Viu TV認錯選美評審田大少 田二少:終於有人認錯我阿哥係我

文: 王庭芝
2016.12.19

講到這兩更討論最高的娛樂圈熱話,相信莫過於昨晚TVB的《萬千星輝星輝頒獎禮》,胡定欣蟬聯視后,而劇集《城寨英雄》亦成為大贏家,可能是意料中事,另一邊廂,Viu TV其實都有大型節目舉行,就是電視台首個選美真人騷《美選D.n.A》的決賽,「Top of the Devils」 由余逸思奪得,而「Top of the Angels」則由羅伊婷奪得,當晚評審團除了有譚詠麟、周汶錡、雷頌德、丁子高和劉美君擔任評審,連政界代表田北俊都是評審之一。

圖:FB@ViuTV

圖:FB@田北俊

 

請田大少做選美比賽評審都或者未算令人O咀,不過大家都知田大少的弟弟田北辰同樣是政商界名人,兩兄弟間唔中都會被人認錯或調亂名字,就連Viu TV的Facebook管理員都唔例外,昨晚上載的評審團照片就tag錯田大少為「田北辰」,從編輯記錄中清楚可見原本確實寫上「田北辰」,認真失策。

圖:FB@ViuTV

除了被網友秒速發現tag錯人,更引來「真‧田北辰」現身留言抽水,佢話:「經過多年努力,終於有人認錯我阿哥係我,而唔係認錯我係我阿哥。」

圖:FB@ViuTV

所謂錯就要認,Viu TV都立刻作出更正,並且打多個hashtag「其實係田北俊」,幽默地抽番自己水,總算化解尷尬。

 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送飛🎟️】請您去《UNISON FEST潛台祭》🎧!

↓ 暑假最強音樂祭!睇KOLOR、Kiri T、雷同二友...↓

↓  暑假最強音樂祭!睇KOLOR、Kiri T、雷同二友...↓