熱愛優質生活

黃色購物袋變保暖工具 日本IKEA「神對應」化解關公災難

2017.01.19

之前講過有個DIY達人將IKEA藍色環保袋變成行山大背囊,估唔到佢個孖生兄弟黃色購物袋一樣唔輸蝕,於IKEA 日本鶴濱店變身保暖工具,再幫IKEA省靚招牌兼完美化解「關公災難」!
 

事源日前IKEA 鶴濱店收到恐嚇電話,疑有人於店內放置炸彈。店方即時以「設備故障」為由疏散店內的客人。當晚室外氣溫只得 2-3度,因臨時疏散,不少客人身上只穿輕薄衣物,IKEA即時向小孩派發毛毯保暖。

由於人數過多,毛毯不夠派發,有醒目員工將只供店內使用的黃色購物袋分發給客人保護。

   

 

購物袋的質料防風又防水,睇落搞笑又奇怪,但網民都話蓋上身保暖效果出乎意料地好。


事後證實為店內並無炸彈,實為虛驚一場。但於社交網站上已有不少在場人士上載照片並以「神對應」勁讚IKEA的處理手法,成功化解「關公災難」之餘再幫IKEA省靚招牌。

 

似乎香港的公關朋友真的要學學呢!

圖片來源:twitter(@_ya_13)(@na_gaohiro)Instagram(@aisaregohan)itmedia

內容評分
評語