大家都覺得鮮紅色好sharp，好難著得好睇。尤其是大面積嘅紅色，俾人感覺好刺眼，又有啲人會覺得好似登台出騷咁。不過呀媽話農曆新年就係要著紅色先夠喜慶！著紅色都要著得好睇，不如參考模特兒點襯色，一齊偷下師啦！

紅色上衣 

通常見到model都會著一件紅色上身單品，其他都係黑色或暗沉色系。 

全身黑配紅色小背心，範圍不大，但輕易吸引眼球。 

想穿這類紅色針織衫的話，可以學model將前面衫尾攝入褲頭，穿起來不會鬆垮垮像大肚婆。 

紅色半截裙 

上身係紅色，其他就黑。調返轉紅色係下身，其他就白。白色上衣，或者淺粉紅、杏色系的上衣和紅色裙相當搭配！ 

不過留意她們的小物(袋、髮飾、鞋)都是黑色！將整個穿搭的重心都移到中間的位置，突顯身材。 

以下就是范冰冰的廣告衣著。 

紅色鞋

基本上紅色鞋都係襯返黑白粉紅嘅衣著，白色上衣、粉紅裙、紅色鞋就做到一個漸層效果，睇落會特別顯瘦！ 

由上到下白黑白黑，最後一點紅，令整個穿搭更有時尚感，不會淪為街邊一個路人~ 

冬天就是要穿格仔裙呀~黑白格加對紅色高跟鞋好有個性！

外套如果全件鮮紅色真的會很搶眼，不妨試試格仔款式，黑紅相間能分散紅色的膨脹感。 

想戴鮮紅色帽就襯返一件白色上衣，下身可以配黑色或深紅色，將全身焦點放返係頭，整體睇落人都高啲架。 

如果真係唔想著上身，可以揀個紅色小手袋，剛剛好夠擺利是就Perfect啦！