零失敗BBQ甜品　原隻焗蘋果

BBQ到最後，大家都食到飽飽滯滯，最啱食生果甜品收尾。

一於試下原隻焗蘋果，易整又好味！

材料：

蘋果　一隻

牛油　適量

砂糖　適量

錫紙　一張

步驟： 

將蘋果批皮去心。

再放入適量牛油和砂糖。牛油會令蘋果更香，而砂糖則加強甜味，份量可依個人喜好調整。

用錫紙包好蘋果。

放在炭旁邊焗，期間不需調整。

等大家都燒完BBQ就有得食喇。

食落好似蘋果批上的蘋果，好香。

貼士：

如果想蘋果更入味更軟腍，一開始BBQ就先焗蘋果。最好焗2-3小時。

仲可以加肉桂粉令蘋果更香。

下次BBQ試下喇！