熱愛優質生活
首頁   \   ViuTV節目   \   真PK、一帶一路都無得留低!《晚吹》周三起換新陣容

真PK、一帶一路都無得留低!《晚吹》周三起換新陣容

2017.02.06

ViuTV開台接近一年,雖然被指後勁不繼,但確實為電視界帶來新選擇新衝擊。開台節目之一《晚吹》第一季正式完結,本周三起轉換全新布景錄影,一齊重溫經典環節同預先睇新節目內容!

以下三個節目都無得留低:
《真PK》

 
以變態、核突同重口味殺出名堂,飲老鼠酒屬小兒科,吮腳趾、四驅車爆袋、「口趙」口水香口膠甚至裸跑,講得出的重口味懲罰幾乎都玩過。
  
雖然後期改玩法後有讚有彈,有說女嘉賓玩得唔夠放,但主持人KB火火用生命做節目,抵《真PK》成為年輕觀眾至愛節目之一!

《一大一路》

 
嘉賓位位重量級,運動員、藝人甚至政界人物都有。由充滿童真的小朋友發問,除了每次問「你幾錢人工」,每集總有幾條問你唔到的問題,有無朋友同小編一樣覺得小主持Alvin仔好醒?


《總有一隻係左近》
開頭由蘭子主持講娛樂內幕,初期好有爆點,有集被指「賤男」的周永恆於錄影中間發脾氣,爆粗兼劈炮罷拍。

年中轉型為靈異清談節目,由鬼王潘紹聰、阿妹同小占主持齊齊講鬼故,靈異一路都有班擁躉,可惜做大半年就要完。
 

內容評分
評語