茶壺太太點止喺《美女與野獸》出現！迪士尼隱藏彩蛋晒冷

由英國女神Emma Watson、男星Dan Stevens主演的真人版《美女與野獸》終於正式上映，成為全球話題之作，無論你是不是Emma粉絲或迪士尼粉絲，相信多多少少都可以感受到電影的熱潮，而原著動畫版可能你都睇過無數次，但你又知唔知原來《美女與野獸》的角色曾經現身於其他迪士尼動畫中？

近日迪士尼公開一段「彩蛋晒冷」剪輯，考驗大家係唔係迪士尼忠粉，因為多個經典角色原來於不同的迪士尼動畫中互相客串，好似《美女與野獸》的「茶壺太太」就於《泰山》動畫出現過，而「野獸」則是《阿拉丁》裡面，茉莉公主父親的玩具之一。

而今年初上映的最新迪士尼動畫《魔海奇緣》，就可以搵到《小魚仙》Ariel身邊經常出現的黃藍色比目魚Flounder，另外，《冰雪奇緣》中出現的馴鹿Sven亦有在《魔海奇緣》驚喜現身。