2018公眾假期+請假攻略 香港打工仔復活節請3放10

2018年香港公眾假期出爐，部分公眾假期撞正星期日，連放3或4日的短假較多。相比2017年有6個月份無紅日，2018年只得8及11月兩個月份無紅日，打工仔應該會開心啲！  

2018香港打工仔請假攻略參考如下:

元旦翌日  1月1日(周一) : 唔使請，都連放3日，短短地去台灣跨年倒數或到日本搶福袋都得！

農曆新年 2月16、17、18、19日(周五至一): 連埋年初四補假，唔請都連放4日。可以短飛泰國做下Massage兼過一個熱辣辣新年。請後4日(2月20-23日)，都有10日。

復活節3 月30、31日及4月1、2日(周五至日): 請3日(4月3、4、6日)，可以放10日。春暖花開，有足夠彈藥可以飛去歐洲賞花！

清明節 4月5日 (周四): 連埋復活節放未必人人請到，可以考慮請後1日(4月6日)，連放4日都好過無。唔使拜山，近近哋最啱去日韓賞櫻。

勞動節 5月1日(周二): 請前1日(4月30日)，就可以連放4日。北海道櫻花較遲開，成功請到5月勞動節假的話，可以考慮到北海道，或有機會成功追櫻。 

佛誕 5月22日(周二): 請前1日(5月21日)都可以放4日。

端午節 6月18日(周一): 唔請都有3日假

香港特別行政區紀念日翌日 7月2日(周一): 唔請都有3日假

中秋節 翌日9月25日(周二): 請中秋節正日(9月24日)，可連放4日; 請後4日(9月24日正日、9月26-28日)夾埋國慶日，即可放10日。

國慶日 10月1日(周一): 唔請都放3日

重陽 10月17日(周三):  中間放一日，俾自己休息下都好！

聖誕節 12月25、26日(周二至三) : 請後2日(12月27日及28日) 可放6日。請4日(12月24、27、28、31日)，可放11日。小編曾經在聖誕節假到過芬蘭旅行，仲睇到超靚極光，11日都可以快速玩埋瑞典、愛沙尼亞塔林兩個地方。

2018年想放長假都要Mark實農曆新年、復活節、中秋節及聖誕節4大節日喇！

* 以上日子以5天工作，周六日放假來計算。更新日期：2017年5月5日