可愛BB版《Frozen》2歲孖女重演Anna受傷一幕冧爆網民

電影《魔雪奇緣》瘋魔一眾小朋友，原來連2歲未識講說話嘅BB都係Fans！美國一位媽媽拍攝了孖女邊睇電影，邊重演Anna叫醒Elsa一齊玩至Anna受傷一幕。孖女們勁合拍一個扮Anna、一個扮Elsa，全部動作跟到足，超可愛！

未有說話能力的孖女超厲害，識走位及手勢跟到足。完全沒有混淆角色。開段由綠色衫BB扮演Anna，叫粉紅色衫BB Elsa起身；後段Anna受傷暈倒，綠色衫BB亦自動瞓低。以2歲演員來說也太專業了！

短片被網民瘋傳，上載至Facebook一星期多已有4千多萬人收看、30多萬個讚好，以及80多萬個分享。受到大量媒體關注邀請出席訪問，連美國名咀Ellen DeGeneres都有Share影片，可見孖女可愛程度爆登！

來源：Colleen Jordan授權轉載