正在閱讀
被投訴淨同客戶影相唔理街外fans 張繼聰親民回應網民勁讚Nice

被投訴淨同客戶影相唔理街外fans 張繼聰親民回應網民勁讚Nice

2017.05.25

張繼聰對內顧家又鍚屋企人,對外出席活動又識做人,難怪成為好男人好老公的人選。最近張繼聰於Facebook貼出自己出席品牌晚宴的相片,點知有網民留言暗鬧張繼聰「大細超」,淨同客戶影相唔理街外fans,一向執生叻嘅Louis點拆好?
 
Louis解釋非並所有情況都方便合照,著住戲服拍攝因為保密問題唔方便,同屋企人出街又唔想冷落小朋友,唯有無奈拒絕。張繼聰再解釋其實自己好樂意同大家影相,同時感謝大家支持,回應相當得體。


樓下一班網民力撐張繼聰一家又Nice又有禮貌,仲有唔少朋友分享野生捕獲張氏夫婦的故事,近至大埔,遠至澳洲都有網民野生捕獲過,似乎Louis並唔係好似該網民所講只係同客戶合照喎!

     

仲引埋老婆亂入留言放閃,張氏夫婦真係好sweet!

來源: 張繼聰Facebook