克勤30周年個唱講生仔經 Sammi「波子汽水裝」撐場

「靚聲王」李克勤今晚起舉行一連9場《李克勤慶祝成立30週年演唱會》，今次是克勤繼2011年後，再次單獨在紅館開騷，而且是為了紀念入行30年，故此別具意義。克勤先以一輪快歌揭開序幕，除了賣力獻唱，亦有吊威也舞蹈表演，雖然克勤表示舞台今日 下午2點才搭好，但舞台設計花盡心思，除咗有旋轉升降四面台，唱到《活着為求甚麼》，克勤站在三層樓高的「一柱擎天台」演出，令觀眾睇得「牙煙」。

去到演唱會嘉賓環節，首場請到克勤多年好友鄭秀文（Sammi）撐場，她以全藍色「波子汽水裝」現身，配合克勤的全紅「利是封裝」，Sammi更搞笑地說連「底底」都係藍色，克勤又說過去Sammi開演唱會的日子老婆盧淑儀都大肚，所以無得睇，Sammi就笑言自己再開騷時克勤已經「五張嘢」仲得唔得？克勤就話要些時間準備吓，兩人除了搞gag，亦合唱《信者得愛》，克勤更負責唱rap的部份，將現場氣氛推上高峰，之後Sammi再獨唱一曲《終生美麗》，為好友打氣。

Encore環節克勤特別穿了一身閃爆的水晶睡衣出場，原來今次演唱會特別邀請了黃偉文擔任服裝指導，克勤表示感謝對方仗義相助。

歌單如下：
Part1
舊歡如夢
紅日medley
藍月亮

Part 2
當找到你
告別校園時
一生不變

Part3

活着為求甚麼
天水·圍城
二十四城記
失魂記

Part4

無朋友
沒有你嬴了世界又如何
信者得愛
終生美麗

Part5

最愛

左麟右李medley

深深深
偷偷摸摸
不知不覺愛上你
高妹
情非首爾
空中飛人
眷戀
你是我的太陽
希望
夏日之神話
C3PO
大會堂演奏廳

命運符號
一個都不能少
球迷奇遇記
Victory
遙遠的她
回首