正在閱讀
靚佬湯新戲轉行揸飛機 《巴利薛爾》延續不可能的任務

靚佬湯新戲轉行揸飛機 《巴利薛爾》延續不可能的任務

2017.09.06

荷里活巨星湯告魯斯(Tom Cruise)憑《職業特工隊系列》(Mission: Imposible)成名,但其後不少作品似乎都擺脫不了M.I.的影子,靚佬湯就好似戴了「主角光環」般,永遠打不死,而作品亦多聚焦他的身手或大量動作場面,而今次跟《異空戰士》導演德格里文(Doug Liman)再度合作的新戲《巴利薛爾:飛常任務》(AMERICAN MADE),靚佬湯繼續執行「不可能」的任務,卻不再是打不死,角色根據真人真事改編,似乎比靚佬湯過去的作品更有血有肉。

故事講述靚佬湯飾演巴利薛爾飛行技術超卓,表面上是民航機師,暗地裡走私違禁品。一天他被中情局找上,要求協助收集情報,繼而運送違禁品。其間巴利認識了哥倫比亞大毒梟,大茶飯越搞越大,更引起緝毒局和白宮注意。

《巴利薛爾:飛常任務》將一個鮮為人知的CIA故事重現,編劇加里斯邊納利(Gary Spinelli)在搜集資料時搵到70、80年代的巴利薛爾(Barry Seal),由民航機師變成毒販的事跡,他遊走於黑白兩道,聰明而且不怕死,同時亦是一個深愛妻子和家庭的人,這樣過着雙面人生活的角色引起靚佬湯興趣,靚佬湯本身擁有專業機師資格,跟角色不謀而合,因此戲中大部分飛行場面都由他親身上陣。

相比M.I.系列,甚至年頭上映的重啟版《盜墓迷城》,《巴利薛爾:飛常任務》的埋身動作場面明顯較少,反而多了跟其他演員的文戲,亦有單獨的內心戲,跟靚佬湯最擅長的角色類型有分別,演出頗有驚喜。

上映日期:9月7日

 

【精選推介】

8幅「擔遮禮儀」插畫諷刺港人自私唔識擔遮

9月生日免費優惠晒冷!13個壽星仔女著數 

無敵維港大海景!$450包雙人房連早餐/交通/廚房

迪士尼Halloween全新鬼屋9月登場!