正在閱讀
雷莊兒IG懶理中文差搬叻哥上枱 「貼心」網民轉用英文留言一句KO

雷莊兒IG懶理中文差搬叻哥上枱 「貼心」網民轉用英文留言一句KO

2017.09.07

網民對出爐港姐冠軍雷莊兒負評不斷,日前Juliette更於社交網同網民開火,用英文暗串網民唔夠聰明信晒報道所寫,辣慶一班網民。今日又於自己社交網搬叻哥上台,貼出,但網民似乎唔多收貨,仲好「貼心」用英文留言,怕Juliette睇唔明咁話!

Juliette相當「惹火」,一次英文Live辣慶網民,TVB昨日亦特別安排麥明詩馮盈盈兩位師姐傍實於Big Big Channel開Live救火!

Juliette無被負評影響,今日更搬「師傅」叻哥上台,貼出參選時的活動照片,用返叻哥當時的說話鼓勵自己,叻哥叫Juliette「唔使理中文唔叻嘅缺點,專注做好自己和表演就可以」,Juliette好認同叻哥的說話,似乎真係無諗住學好中文喎!



即使Juliette搬埋師傅上台,但網民似乎唔多受落繼續鬧。為免Juliette睇唔明中文,網民好「貼心」用英文留言。

有網民批評 Juliette的最大弱點並非中文,而是她的態度,又提醒她作為公眾人物應該慎言。

有網民明言 Juliette靠父蔭拎冠軍,又建議Juliette關掉留言功能,咁就唔怕聽到批評聲音!

 

來源: 雷莊兒IG