熱愛優質生活
首頁   \   網民熱話   \   手機app抄襲風波最新回應 港鐵認跟Pokeguide開過會

手機app抄襲風波最新回應 港鐵認跟Pokeguide開過會

2017.09.14

手機應用程式Pokeguide過去提供港鐵「站內搜尋」同「快捷出站」功能,近日港鐵app推出的兩個新功能就被指抄襲Pokeguide,令Pokeguid創辦人昨晚於Facebook提出控訴,表示過去曾經與港鐵高層開會:「上年我地曾經同地鐵高層開會,會上我地有提出過我地願意開放車卡車門答案data俾地鐵,而地鐵只需要喺佢嘅答案頁面credit番我地就得,唔明點解港鐵仲要花費千萬做番個一模一樣嘅功能?」又籲網友一人一tag,希望促請港鐵交代事件。

今日,MTR客戶體驗拓展總經理Annie在港鐵Facebook作出回應,承認過去有跟不同單位商討過,包括 Pokeguide及其他startup公司,表示衡量過不同方法利弊之後,最後決定MTR Mobile加入快捷出站功能,但沒有正面回應抄襲的指控。

對港鐵「遊花園」的回應,網民似乎唔多收貨,短短3小時已經有逾千「嬲嬲」,有網友質疑,港鐵雖然與其他單位開過會,吸取完其他建議後再自行研發一模一樣功能的做法並不恰當,跟「偷橋」無異,着港鐵進一步回應。

來源:FB@Pokeguide 、FB@MTR

 

內容評分
評語