由Do Do姐鄭裕玲領軍的旅遊節目《Do姐再Shopping》不單收視好，更於TVB台慶上勇奪最佳節目主持獎，Do姐昨晚拉大隊慶功，農夫的陸永C君、翠如BB、馬國明都有出席，未知何時再拍下一輯？
兩隻「垃圾」陸永及C君當然有份出席，其他嘉賓主持馬國明同翠如BB亦是座上客，不過馬明「西伯利亞人」不怕凍，竟然著短袖衫出席，男神果然大隻完全不怕冷！
見到翠如BB，咁蕭生呢？原來蕭正楠有工作在身，到場時一向深閨的Do姐已經走咗，同「最佳節目主持」緣慳一面。
不知一班台前幕後人員有無討論幾時再添食，拍《Do姐再再Shopping》？
