要數做家務最驚遇到啲咩，除咗塵埃、昆蟲，洗完衫喺洗衣機拎出嚟嗰堆痴晒紙巾碎嘅衫褲一定榜上有名。 紙巾碎濕漉漉難以清除，仲要動手用膠紙逐粒逐粒痴走，真係令人好頭痛呀！點算好？
當你好惆悵嘅時侯，只要用個好簡單嘅方法清除紙屑：淨係落柔順劑，將啲衫再洗一次。拎出嚟再睇吓會發生咩事？
嘩，啲紙巾碎真係甩得七七八八喎，點解嘅？
因為柔順劑內含「界面活性劑」，有分解滲入嘅效果，番梘就係其中一個例子。柔順劑令衣服變得滑溜，紙碎亦容易從衫褲上面滑落。加上洗衫嘅水流同離心力，紙巾屑幾唔捨得衫褲都好，都要自動say bye bye喇。
有網民即刻試驗，結果真係好大分別，紙巾碎差唔多甩晒！
其實，最有效清除佈滿紙巾屑衫褲嘅方法，又係清除屋企入面嗰（幾）隻大頭蝦... 嘅壞習慣！下次試吓唔睇清楚衫褲袋有冇紙巾， 睇吓你呀媽仲會唔會對你咁好聲好氣？
圖： Twitter、日本電視節目《ありえへん∞世界》截圖
」，
App內睇文同睇片可隨時捕捉U Fun彩蛋，
換領現金券及禮品！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【社群送禮】聖誕すげえ(薯茄)樂園主題獨家精品🎄！↓
↓聖誕すげえ(薯茄)地毯、鎖匙扣、小薯茄幕前閃卡等！↓
