正在閱讀
網民趁免費報考DSE玩嘢 考生網上哭訴:求下你高抬貴手

網民趁免費報考DSE玩嘢 考生網上哭訴:求下你高抬貴手

2018.03.01

財政預算案宣布將為參加2019年香港中學文憑考試考生代繳考試費,消息一出網上即掀起考試熱潮,不少CE及AL年代的「老鬼」揚言要報名考一次DSE,甚至有人更建議入口試考場「玩嘢」,影響其他考生表現。

有網民於社交網發表攻略,講明哪些科目不用校本評核,自修生亦能報考。另外亦有網民寫攻略,教人如何於考場擾敵,影響其他考生成績。

專頁名校Secrets上有多名2019年DSE考生發文,請求大家高抬貴手,勿貪得意入場誤了考生前途。


發文者表示因為考生免費,預計補習老師、已上岸的大學生,甚至係純粹好奇貪玩的人亦會報考,競爭加劇,要考高分相對變難,怕自己付出的時間同心機就白白浪費。

又有學生罵計劃「玩嘢」的網民黑心,「自己可以寓考試於娛樂,見住其他正式dse考生緊張認真咁應試,自己就可以不費吹灰之力咁摧毀左佢地咁多年嘅努力害死無數考生」,睇到心寒。

有網民回應指增加自修生人數不會影響成績,因為自修生跟日校考生分開拉Curve,如果口試遇上搞事份子,考生可與組員寫報告,要求重考或作分數調整。

有網民亦回應叫考生放心,「係你嘅始終都係你」,有實力不會怕受有心人影響成績,建議下屆考生「得閒打文又驚呢樣個樣不如去溫多啲書啦!」

 

 

 

 

來源:名校SecretsHKEAA政府財政預算案

 

【精選推介】 

3月生日優惠晒冷!16個免費自助餐/門票戲飛/住宿

18/19財政預算案懶人包!6項一次性寛減及資助措施

3步學識!Apple發布16個iPhone簡易影相技巧

15位香港男星英文名逐個數!黃子華、陳展鵬最特別