入行接近30年的歌手趙學而，今年4月即將迎來首個紅館個唱，早前學而接受「港生活」訪問，暢談準備個唱的點滴，學而率先透露演唱會選曲之餘，更自爆希望請彭于晏做嘉賓，最想對方能夠站在台上聽她唱歌！
有「民選歌后」之稱的趙學而近年總算苦盡甘來，好歌喉備受網民熱捧，繼前年11月首次在九展開辦個人演唱會獲得空前成功後，網民再度發功，今次終於推到上紅館開騷，不過只辦一場，絕對是貴精不貴多，被問到演唱會上會唔會有嘉賓？學而就話要賣個關子，不過如果可以的話，她最想請到男神梁朝偉和彭于晏做座上客：「佢哋咩都唔做，淨係喺台上聽我唱歌都夠，因為彭于晏夠晒養眼嘛！偉仔就我以前都翻唱過佢嘅歌，所以如果可以請到佢嚟都好！」
至於演唱會有甚麼賣點？她笑言自己幾十歲人首次在紅館開騷已經係gimmick！她又表示：「今次會唱一啲上兩次九展同澳門演唱會上無唱過嘅歌，仲有一啲從來都無公開演唱過嘅歌，都係我好喜歡嘅80至90年代女歌手作品，包括林憶蓮、關淑怡同王菲，佢哋嘅歌都係陪伴我成長嘅養份，所以我希望喺一個屬於我嘅舞台上同大家分享我歡喜嘅音樂。」
一向是「翻唱王」的學而表明今次演唱會上會唱多些自己歌，少些翻唱歌，她說：「上次演唱會有好多屬於我自己嘅歌無唱到，有好多朋友喺網上留言要求點歌，所以盡量安排擺多啲我自己嘅歌落去，滿足大家要求。」
不少歌迷除了想欣賞到學而的演唱會，也期待學而盡快推出新碟，不過大家可能要再等吓，她說：「舊年年尾出咗一首新歌，係電影主題曲《黃金花》，但暫時未有計劃做新碟，目前專心做好演唱會。」不知道演唱會有無機會聽到學而現場獻唱《黃金花》呢？大家要拭目以待。
趙學而演唱會詳情：https://goo.gl/sz6x94
場地提供：Colour Brown 咖啡事多
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
