正在閱讀
《百變小櫻Clear咭》驚現廣東話 網友勁讚製作組用心

《百變小櫻Clear咭》驚現廣東話 網友勁讚製作組用心

2018.03.05

為慶祝百變小櫻Magic咭系列滿20周年推出《百變小櫻Clear咭》,故事講小櫻、小狼及一班朋友升上初中之後的故事。動畫最近播出的第9集,竟然出現廣東話訊息,香港fans睇到都話親切!

竟然毋須字幕都睇得明日本動畫,感覺好奇妙!


 

第9集講到小櫻同小狼去水族館拍拖放閃,小狼的堂妹李莓鈴傳訊息叫佢加油「出嚟約會、就要做好我嘅護花使者啦,唔好咁怕丑。」,2個香港朋友之間的訊息當然用廣東話先合情理,下面更配上日文字幕,唔怕日本觀眾睇唔明。

 

 

 


小編試過用日文字幕用Google Translate的翻譯,結果完全睇唔明!製作組做足功課,莓鈴的訊息用字準確,難怪港澳fans勁讚製作組細心。

不過小編再改多少少,再加返個Emoji,更有香港味!

 

 

之後小狼仲大曬英文,協助迷路的外國遊客。

小櫻讚小狼英文好,小狼話因為自己於香港生活過,似乎製作組覺得普遍香港人的英文水平都好高呢!

 
其實《百變小櫻Clear咭》系列已非第一次出現香港元素,早於第1集已經有香港相關彩蛋。小櫻及小狼一對異地戀人似乎經常名信片溝通,牆壁上貼有多張香港景點的相片,山頂、維多利亞港及昂坪等,大家認得嗎?

 

不止近期的《百變小櫻Clear咭》篇,其實之前的劇場版以香港為背景,當時已經出現過不少的香港特色景點,例如香港的特色廣告招牌、維多利亞港夜景等。

 

 

 

基路仔食點心好可愛!

 

以香港為舞台的劇場版的細緻位都兼顧好,製作組果然抵讚!

 

 

 

 

 

 

來源:NHK



免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠