《太鼓之達人》7月有得玩 Switch版專用太鼓同步推出！
Nintendo Switch新一年繼續以Party Game跑出，經典大作《太鼓之達人》確定即將登陸Switch，（日版原名：太鼓の達人 Nintendo Switchば～じょん！），以後一班朋友約埋打機，除了揀玩《Overcooked》大鬧豬隊友，仲可以開台打牌同打太鼓！
Switch版《太鼓之達人》支援電視模式及手提模式，以Joy-Con扮鼓棍用體感打鼓，同時支援單機雙打，充分發揮Switch的流動性。
遊戲共計有70首以上知名樂曲，同場新增《 Mario Odyssey 》、《 Splatoon 2 》的獨有歌曲遊戲，fans玩落更有親切感！
遊戲同時收錄了 Party Game 模式，除了聽歌打鼓，最多4位朋友一齊玩小遊戲分高下。
今次仲相當特別，專門出品電玩周邊產品的公司HORI，更會配合遊戲，同步推出《太鼓之達人》Switch版專用太鼓控制器，到時仲可以拎住真鼓棍玩！
太鼓架上更特別加設凹槽，玩加可以自行放入水樽，為太鼓增重，就可以打得更順心，售價為 6980 日圓（約$494港元）。
遊戲預計7月19日推出，繁體中文版與日文版同時推出，售價為 6980 日圓（約$494港元），今個暑假又有多個約朋友來你家的理由！
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
