陳柏宇符曉薇相愛7年　保持恩愛全靠4個sweet位

陳柏宇夫婦在節目中面對主持人田蕊妮發問問題，兩人表現非常恩愛，重溫其中四大Sweet位。

1.將財政全權交畀老婆

太太符曉薇提起與陳柏宇拍拖初期，對方沒有儲蓄習慣，加上為了追求生活品味，幾乎是月月清。就算Leanne不介意要捱窮，她依然直言無錢令人缺乏安全感，「冇女仔會交將來畀你」，並勸陳柏宇要好好存錢，以備不時之需。陳柏宇聽後沒有感到抗拒，二話不說將提款卡交給Leanne，而太太每月只給陳柏宇3000元花費。Jason事後感謝太太，讓他可以控制物慾。

2.喊住氹返老婆

Leanne埋怨陳柏宇連續五年忘記她的生日，雖然兩人各執一詞，可是Leanne覺得對方健忘，直接向陳柏宇「開火」。在Leanne生日當天，陳柏宇上門找她，並哭著哄老婆，笑言：「因為我愛佢，冇理由因為唔記得咗對方生日就分手㗎嘛，咁樣好可惜。」相當在意對方。

3.互相欣賞對方

陳柏宇講起相識經過，老婆直言最初睇對方唔順眼，所以有話直說。不過Jason反而覺得老婆與其他女仔有分別，「佢唔會去修飾自己，亦唔會去扮嘢。咁多個女仔對比之下，佢係突出敢做自己嘅人。」至於Leanne欣賞柏宇夠成熟，而且為人念舊，當身邊不少人叫他跳槽，他還是選擇留下，飲水思源。

4.計劃組織家庭

兩人去年才結婚，但是一早計劃好將來。陳柏宇確實將來會生小孩，其積極實行。仲講笑話想好兩人分別擔任甚麼角色，就是要Leanne做壞人：「佢一定會係做衰嗰個，因為佢實會好多嘢都睇唔過眼。」Leanne雖然笑著說被逼，但看得出彼此非常了解，打情罵俏得來好sweet！

圖片來源：《1+1的深情》節目截圖、陳柏宇Instagram、符曉薇Instagram