正在閱讀
古天樂開金口唱《男朋友》 J.Arie:從來冇人夠膽係佢面前唱

古天樂開金口唱《男朋友》 J.Arie:從來冇人夠膽係佢面前唱

2018.03.13

講起古天樂,大家第一時間諗起佢自創特別的「古式」普通話,「省姐能,能太能」無人不知,之後會諗起項少龍等經典角色,但大家咪忘記其實古仔曾經係個歌手,經典金曲《男朋友》唱到街知巷聞!日前電影工作者總會春茗竟然邀得古仔開金口再唱,難怪唔少出席的電影工作者都拍低留念!

原本唱緊《月亮代表我的心》,表演緊嘅王梓軒仲邀請「古會長」上台合唱。


點知古仔上到台,J Arie﹑小肥同埋王梓軒等一班歌手忽然改唱「回答我可不可以暫時讓我講出感覺後」,古仔一面尷尬放低咪……


似乎敵不過台下觀眾起哄,「古會長」都好俾面唱返一兩句!



台下嘉賓都話正!

音音姐直頭行上握手位拍片!

鄧麗欣都有拍片放上Instagram,古天樂開金口唱歌果然係春茗限定,一班會員梗要影低。


事後J Arie同王梓軒都相當興奮,上載表演片段同大家分享。J Arie仲話「人生有咩癲得過,喺古天樂古先生面前,大大聲聲唱佢既金曲《#男朋友》好爆......真係好爆,因為從來冇人夠膽係佢面前唱多謝我既No.1偶像古生!!!」

之後J.Arie再上載同小肥及古天樂嘅合照:「人生,夫復何求?多謝古先開名喜歡我地安排既表演。」,似乎會長都好鐘意個表演!

古天樂社交網站就無再貼返表演片段,只係貼咗同《殺破狼.貪狼》飾演女兒的Hana合照,下次點先可以請到古仔再唱歌呢?

來源:J Arie王梓軒

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠