白紙紙皮全部出動 學生自製麻雀課室打勁青春
學生時期總做過幾件反叛事，遲到走堂甚至整蠱老師同學，總之老師愈唔畀做就偏要做，咁至叫青春。有學生於專頁「名校Secrets」貼出於學校打麻雀的相片，睇真少少，副麻雀好有型喎？
副牌充滿「人情味」滿滿，黑色原子筆加白紙以全手工繪製，而且極方便攜帶，方便隨時走佬！貼文者更向網民挑機，睇睇有無同樣曾自製麻雀的同路人。
果然引到高手，有網民以紙皮製造麻雀，外面仲有膠紙保護，標榜厚實唔易壞，睇真少少仲見到自製骰仔，厲害！
仲有唔少有「雀聖」貼出課室打牌相，怕有聲被老師發現，書本同毛巾立即大派用場。
果然學生時期做樣反叛事先叫青春，唔止偷偷打牌，打機都有學生做過！
來源：名校Secrets
【倒數聖誕🎄】大派3000+份聖誕禮物！
↓一步登記，贏走Switch 2／vlog相機／酒店自助餐↓
【社群請您去🎄】Super Sports Park室內遊樂場🤸！
假日好去處