食客去錯譚仔FB投訴「三哥」 「譚仔」FB Admin化身最強公關
「譚仔」同「三哥」都係賣米線，再加上於日本丸龜製麵嘅母公司將兩兄弟一次過收歸旗下，都算變返一家人。但究竟食客係咪分得清「譚仔」同「三哥」？日前有位食客於「譚仔」專頁連貼多個發文投訴員工態度差，查問之下，原來該食客想投訴「譚仔三哥」？
食客將自己於飲食資訊網站寫下的大篇投訴轉貼至「譚仔」專頁，投訴員工吹水蛇王，又話有Visa機同八達通都只準客人用現金畀錢。
「譚仔」專頁Admin聽到一頭霧水，回應「譚仔」全線無visa機。細問之下，原來食客想投訴「譚仔三哥米線 」嘅土瓜灣分店！
該食客洗版式於專頁瘋狂貼出同一投訴，「譚仔」專頁Admin亦好有耐性回覆。
但佢亦有重申『我哋係「譚仔雲南米線」，唔係阿「乜哥」。』
食客雖然知道搵錯人但仍然繼續鬧，反而話「你地都譚仔喎. 唔理得你咁多」，唔通真係大家都姓譚，不用分那麼細？
網民見到食客留言都覺得搞笑，然後留言繼續抽水。
搞清楚先「譚仔」即係「譚仔雲南米線」，而「三哥」即係「譚仔三哥米線 」。
馬明賣廣告嘅係「譚仔」。
米線碗都有唔同顏色！
雖然大家都係同鄉，但姐姐制服顏色都有唔同咖，大家認唔認得先？
港生活人氣本地熱話
↓【限時搶⚡】PASSION 24果力醒 元氣機能果汁飲↓
↓生津解渴、調節生理機能↓
【免費送】L’OCCITANE限量聖誕倒數日曆🎄！
↓限時登記領取！一盒包含24件皇牌產品↓
假日好去處