正在閱讀
黃子華深夜拍片 親證「最後一次舉辦棟篤笑」

黃子華深夜拍片 親證「最後一次舉辦棟篤笑」

2018.03.24

將於今年中舉行棟篤笑嘅黃子華,凌晨時分喺社交網站上載短片,回應有關今次棟篤笑嘅傳聞,子華神親自證實今次棟篤笑會係最後一次,佢表示棟篤笑名稱《金盆"口浪"口》係多年前想好,今次亦無意作巡迴演出,消息令不少粉絲相當震撼。

將於今年7月舉行《黃子華棟篤笑2018 – 金盆"口浪"口》的男神黃子華,深夜於社交網站上載一段自己拍的短片,首度開腔回應有關今次棟篤笑的傳聞,子華神親口證實今次棟篤笑原則上會係最後一次,佢表示棟篤笑名稱《金盆"口浪"口》係佢多年前諗出嚟,佢話:「原本係想宣布呢個係黃子華最後一個棟篤笑,但我嘅團隊認為咁樣太決斷。我甚至諗過個騷學Michael Jackson咁叫《This is it》,咁直情被人鬧死......所以用多年前我諗過嘅名叫做《金盆"口浪"口》。」

子華又斬釘截鐵表示此次絕不會去其他地方巡迴演出,只會在香港舉行,原因係今次內容只會集中講香港,係為香港度身訂做。佢提到今次會係101%香港本土題目,所以如果去其他地方巡迴是對大家不負責任。

影片上載不足1小時已經有大批網友留言表示不捨,又希望子華能夠考慮採取實名制售票,讓真正想支持子華的觀眾可以買到飛。

 

來源:FB@黃子華 - 子華本部