由史提芬史匹堡執導新戲《挑戰者1號》(Ready Player One)打正旗號叫大家齊齊搵「彩蛋」，果然啱晒復活節上映，如果你以為平時睇Marvel、Pixar的電影已經夠多彩蛋，那麼《挑戰者1號》的彩蛋真的要以「海量」形容，不只戲中主角為爭奪巨額遺產而搵「彩蛋」，觀眾同時可以發掘大量向70至90年代多媒體致敬的彩蛋，單單預告都有超過20個，入場不如做少少熱身先，睇吓你搵唔搵到？
預告一開始，主角韋德自我介紹時提到：「我叫韋德，爸爸起這個名字，是希望聽起來似超級英雄，好似Peter Parker、Bruce Banner。」Peter Parker、Bruce Banner即是蜘蛛俠和變形俠醫的本名。
期間閃過一幕是韋德居住的鐵皮屋社區，當中出現過懷舊玩具Madballs的塗鴉。
鏡頭一轉，韋德進入了VR世界「綠州」準備賽車，起點前可以搵到《街頭霸王》的隆和多部於不同電影、電視出現過的車輛，包括《極速賽車手》(Speed Racer)、《蝙蝠俠》、《通天奇兵》(A-Team)及《末日先鋒》(Mad Max)。
韋德在「綠州」虛疑身份帕西法爾的座駕設計則源自80年代經典電影《回到末來》。
賽車鏡頭完了，主角走到一間夜店之中，一來就有DC漫畫人物「喪鐘」(Deathstroke)。
夜店裡還有電影《盜墓者羅拉》的羅拉、《街頭霸王》的布蘭卡，人氣電玩Mass Effect的角色及70年代美國搖滾樂隊Devo的象徵物－紅色三層塔狀的帽。
於另一幕飛車場面，會到一輛紅色電單車，是源自1988年大友克洋導演的動畫《亞基拉》，另有一輛藍色的車源自《魔獸戰車》(Monster Trucks)，背景的大型廣告牌是來自80年代經典電影《鐵甲威龍》。
這一幕都好明顯，相信不用多作介紹，是《金剛》。
之後，可以見到一幕戰爭場面，又有一大堆經典角色悄悄現身，包括幾款經典遊戲Battleborn、The Battleoads和Joust。
高舉卡式錄音機這幕原來都有意思，是源自1989年由尊古錫(John Cusack)主演的電影《愛情物語》(Say Anything…)。
帕西法爾和女主角雅蒂米思在彩色燈方塊跳舞一幕就參照了經典電影《週末狂熱》(Saturday Night Fever)。
原來小丑和小丑女都有在夜店出現。
鏡頭再返到戰爭場面，這次出現的有《街頭霸王》的春麗，而羅拉又再現身，還有電玩「鬥陣特工」(Overwatch)、「真人快打」(Mortal Kombat)和電影Army of Darkness的角色。
帕西法爾戰鬥時所用的手槍都是來自《末日先鋒》。
至於電影資料庫這幕，據知每一隻碟都是真正的電影封套，但真係相當考眼力，就算識都未必到睇到。
上面已經提過帕西法爾高舉卡式錄音機的由來，同一幕還有「自殺特工」的「死射」(Deadshot)出現。
最後見到連機動戰士高達、《娃鬼回魂》裡面的魔鬼娃娃Chucky和《大鐵人》都加入戰團！
小編已經睇到有少少眼花，大家仲有無發現其他彩蛋呢？
來源：Warner Bros. Pictures、ComingSoon
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
