.jpg)
又有理由約朋友去睇show！ 研究：多看演唱會更長命
近期有不少歌手宣布開演唱會，例如張敬軒、五月天等等，教一眾歌迷欣喜若狂，不惜通宵到售票處外排隊，或有幾部手機、電腦做stand by。歌迷除了可以近距離聽偶像唱live會畢生難忘外，但原來還有延年益壽的功效！
眼見有如此多具吸引力的歌手開個唱，都會心大心細究竟睇唔睇好。
而倫敦大學金匠學院發出了一項研究，由社會行為學家Patrick Fagan提出，恆常欣賞演唱會與長壽有關係。
研究更講到每兩星期睇一次演唱會，有機會長命9年。源於收睇演唱會時，歌迷的心跳率及心理質素有所提升。
.jpg)
而且有數據顯示，觀眾收睇完演唱會20分鐘，整體的自我價值觀提升了25%，和他人的親密度增加了25%，精神也提高了75%，更指超過三分之二的受訪者認為聽live比單純在家聽音樂更開心。
由此可推斷出，演唱會對健康、快樂及幸福感有著深刻的影響。至於恆常睇演唱會是否真的長命九年那麼多，就信不信由你！但至少肯定以後多個理由去睇演唱會都冇咁肉赤！
.jpeg)
評語