論盡煮火雞、赤裸睇電視 重溫「戇豆先生」8大經典笑位

文: 王庭芝
2018.04.08

英國喜劇演員路雲雅堅遜(Rowan Atkinson)今年9月將有新作《特務戇J:神級歸位》,而他昔日創造的經典角色「戇豆先生」為人熟悉,陪住不少人成長,「戇豆先生」系列主要以默劇形式表達,打破語言界限,在香港同樣大受歡迎。大家對於「戇豆先生」的哪個片段最印象深刻?一齊同小編重溫8大精選!

理髮篇

戇豆先生去理髮店剪頭髮,他趁髮型師行開時就搞搞震,豈料有其他客人來到,戇豆先生就膽粗粗扮髮型師,為一個男童髮理髮,最後竟然將男童中間頭髮剷青,剪出「摩西分紅海」頭。

 

睇牙篇

戇豆先生去睇牙醫,一時將洗牙工具放於口,一時將洗牙工具當吸塵機,更收埋牙醫的麻醉針,最後仲一個唔小心將麻醉藥打在牙醫大腿上。

 

火雞篇

聖誕節唔少得食火雞,戇豆先生買了一隻大火雞回家DIY,不過預備過程一鑊泡之餘,他又莫名其妙將個頭塞入火雞裡,可是拔不出來,更嚇親女友Irma。

 

睇戲篇

戇豆先生同女友Irma去戲院睇恐怖片,除了連番惡作劇整蠱身邊人,一向細膽到暈的戇豆先生一邊睇,一邊瘋狂自己嚇自己。

 

三文治篇

一向輸人唔輸陣的戇豆先生去公園食晏,帶齊材料自製三文治,不過戇豆先生的製作過程當然唔會咁簡單,有秘製臭襪生菜、樽仔鮮魚、暖水袋奶茶,睇到旁邊的食緊三文的西裝男都眼甘甘!

 

聖誕商場篇

戇豆先生聖誕前去商場購物,見到一套聖誕故事公仔陳設又令他手多多,玩起木偶劇,將聖誕故事全面惡搞,當然最後有職員出手趕他走。

 

泳池篇

今次戇豆先生去泳池,想玩兒童滑梯卻遭救生員阻止,想挑戰高台跳水,可是當站到台邊卻發現自己畏高,不敢跳下去,又死要面不肯行落去,最終鬧出一輪笑話。

 

電視篇

戇豆先生買了一部新電視,不過這部電視就相當蠱惑,每當戇豆先生望着它時,訊號接收就會變差,後來戇豆先生竟然發現只要他剝光豬才可以睇到電視。

 

來源:Mr. Bean@Youtube

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓