正在閱讀
《百變小櫻Clear咭》再有香港元素!出現超萌廣東話對白

《百變小櫻Clear咭》再有香港元素!出現超萌廣東話對白

2018.04.09

百變小櫻Magic咭系列滿20周年,今年推出的《百變小櫻Clear咭》繼續大受歡迎,故事講到小櫻、小狼及一班朋友升中後,小櫻收集透明卡的故事。去到最新的第13集再有不少香港的元素,今次不單是廣東話訊息,更出現廣東話的對白。

早前在第9集,小櫻與小狼去約會就出現廣東話訊息,令到不少香港Fans驚喜。

今集講小狼的堂妹李莓鈴由香港來到日本探小櫻,莓鈴拖住行李到學校找小櫻。

莓鈴一見到小狼時,便以廣東話「你好小狼」打招呼。雖然呢一句聽落有少少走音,但睇得出製作組十分用心。

一句對白都唔夠,之後再有其他香港相關的元素。講到今次來日本,莓鈴將會入住小櫻屋企,二人在小櫻家一齊飲檸檬茶同包餃子。

本集重點是小櫻去沖涼時,莓鈴收到小狼的訊息,莓鈴與小狼交代在小櫻家的情況,廣東話訊息再現!

小狼訊息中的「有冇麻煩到你?會唔會好怪?」,都用上了廣東話口語「冇」同「唔」。

莓鈴再以廣東話訊息回覆小狼。

之後小櫻講起覺得小狼有心事隱瞞,不過就無打算逼小狼講出呢件事,因為知道如果要對方講不想說的事一定會痛苦。

莓鈴就用廣東話自言自語了一句「對大家嚟講個個都咁重要,唔容易啊」。呢一句帶有日式口音的廣東話,唔少網友聽完都覺得太萌啦!

今集雖然沒有收集新卡,但絕對是為港澳fans大派福利。不少Fans都期待小狼講廣東話,未知餘下的集數又會唔會再有廣東話出現呢!

來源:《百變小櫻Clear咭》擷圖